متن مداحی (متن نوحه) کان کرم علیرضا اسفندیاری

آواره قالمشام اوتوروم یا دوروم گیدیم

صد پاره نعشیوی کیمه من تاپشوروم گیدیم

(آغلیا آغلیا دیردی عباس مگر بالالارن سسینی ایشیدمیسن؟دو گیداخ خیمه لره گور نه عالمدی رباب یانایانا دییر آی علی)

صدپاره نعشیوی کیمه من تاپشوروم گیدیم

کان کرم صاحب علم

آچ گوزوی باخ منه سقای حرم

صاحب علم ماه حرم

کیم بو اوزون قوللاری ایلوبدی قلم

ای سرویم نه گلوب خوللاره

من قربان بو دوشن قوللاره

طوفاندی خیمه ده آی قارداش

قیزلاریم گوز تیکوب یوللاره

(قان اولدی غصه دن گوز یاشیم

دلداریم مهربان قارداشیم

سن سیز من نیلرم بو چولده

آی منیم قهرمان قارداشیم)

آی یارالی جان یارالی

اوخ داغیدان بو گوزه قربان یارالی

قلبیم اولوب قان یارالی

قیل منی بیر بوسیه مهمان یارالی

قان ایچره یاتما ای مهپاره

هجروندن قلبیم اولدی یاره

دشمنلر ال چالور میداندا

دور قارداش قالمیشام آواره